दोलखा । दोलखामा पहिरोमा परेर बुबा-छोरा बेपत्ता भएका छन् । बिगु गाउँपालिका-७, तिनपातेमा पहिरोमा परेर ३६ वर्षीय निम्दोर्जे शेर्पा र उनका १२ वर्षीय छोरा पासाङ बेपत्ता भएका हुन् ।
गाउँ नजिकैको जंगलमा निउरो टिप्न गएका दुवैजनालाई खोला तर्ने क्रममा माथिबाट आएको पहिरोको लेदोमा परेर बगाएको जिल्ला प्रहरी कार्यालयका प्रहरी नायव उपरीक्षक दिपक खड्काले जानकारी दिए ।
खहरे खोला तर्ने क्रममा ३ जनामध्ये एक जनाले भने भागरे ज्यान जोगाएको प्रहरीले जनाएको छ । स्थानीयबासीले जानकारी गराएपछि अहिले प्रहरी चौकी बिगुबाट टोली घटनास्थलमा गएको छ ।
