काठमाडौं, ६ असार । सरोज खनालको डेब्यु निर्देशनमा बनेको चलचित्र ‘बगान’को टिजर सार्वजनिक भएको छ । ७० भन्दा बढी चलिचत्रमा अभिनय गरेका सरोजको यो पहिलो निर्देशकीय फिचर हो ।
एक मिनेट १३ सेकेण्ड लामो टिजरले कथावस्तु र चरित्र चित्रणबारे महत्वपूर्ण खुलासा गर्छ । टिजरमा दुई शीर्ष पात्रको कथालाई समानान्तर रुपमा प्रस्तुत गरिएको छ ।
एकातिर करिश्मा मानन्धर र सरोज खनालको जोडी छन् भने अर्कोतिर आकाश श्रेष्ठ र प्रमिला कार्की छन् । करिश्माले यसमा एकल आमाको भूमिका निर्वाह गरेकी छन् ।
पशुपति वृद्धाश्रमको सेटिङमा प्रस्तुत फिल्म नारीप्रधान हो । फिल्मको टिजरले नीर शाह, मिथिला शर्मा र वसुन्धरा भुसाललाई पनि चित्रण गरेको छ । स्वप्न नीरवको पटकथा रहेको फिल्मलाई सुरेश वाग्लेले निर्माण गरेका हुन् । यो फिल्म असार २९ गतेदेखि प्रदर्शन हुँदैछ ।
