अछाम । अछाममा मलामी बोकेको ट्रयाक्टर दुर्घटना भएको छ । भे १ त ६७५६ नम्बरको ट्याक्टर दुर्घटना हुँदा एक जनाले घटनास्थलमै ज्यान गुमाएका छन् ।
दुर्घटनामा परी सोही ठाउँका २२ वर्षीय विर्ख विकको घटनास्थलमै मृत्यु भएको सुदूरपश्चिम प्रदेश ट्राफिक प्रहरी कार्यालय अत्तरियाले जानकारी दिएको छ ।
आइतबार अछामको पञ्चदेवल विनायक नगरपालिकाको कालिकास्थान नजिकै मलामी बोकेर घाटतिर जाँदै गरेको ट्रयाक्टर दुर्घटना भएको हो ।
दुर्घटनामा परी १९ जना घाइते भएका छ्न् । घाइतेमध्ये ४ जनाको अवस्था सिकिस्त रहेको प्रहरीले जनाएको छ ।
